Psa 83:1-12 | KikGKY | STEP | Thaburi ya Asafu Wee Ngai-rĩ, ndũgakire; tiga gũikara ũtumĩtie, Wee Mũrungu, ndũgaikare wĩnyiitanĩirie.

Psalms 83:1-12

Kũhooya Ngai ahoote Thũ cia Isiraeli

Thaburi ya Asafu

1 ^aWee Ngai-rĩ, ndũgakire;
tiga gũikara ũtumĩtie, Wee Mũrungu,
ndũgaikare wĩnyiitanĩirie.
2 ^bTa rora wone ũrĩa thũ ciaku iranegena,
acio magũthũire makambararia mĩtwe yao.
3 Mathugundaga ndundu ya gũũkĩrĩra andũ aku na wara;
maciiragĩrĩra gũũkĩrĩra andũ arĩa wendete.
4 ^cMeranaga atĩrĩ, “Ũkai, tũmaniine matige gũtuĩka rũrĩrĩ,
nĩguo rĩĩtwa rĩa Isiraeli rĩtikanacooke kũririkanwo rĩngĩ.”

5 Maciiraga marĩ na ngoro ĩmwe;
maiguithanagĩria magũũkĩrĩre:
6 ^dandũ a hema cia Edomu, na cia Aishumaeli,
na cia Moabi, na cia Ahagari,
7 ^ena cia Gebali, na cia Amoni, na cia Amaleki,
na cia Filistia, hamwe na andũ a Turo.
8 ^fO na Ashuri nĩmegwatanĩtie nao
nĩguo mateithĩrĩrie njiaro cia Loti.

9 ^gMeeke o ta ũrĩa wekire Amidiani,
na o ta ũrĩa wekire Sisera na Jabini rũũĩ-inĩ rwa Kishoni,
10 o acio maaniinĩirwo Enidoru,
na magĩtuĩka ta thumu wa kũnoria tĩĩri.
11 Tũma andũ ao arĩa marĩ igweta mahaane ta Orebu na Zeebu, ^{▼▼Orebu na Zeebu maarĩ athamaki a Midiani, na maahootirwo ni Gideoni.}
anene ao othe ũmahaananie na Zeba na Zalimuna,
12 ⁱarĩa moigire atĩrĩ, “Nĩtwĩgwatĩrei bũrũri
wa ũrĩithio wa Ngai ũtuĩke witũ.”